افضل تكنيك للشعر الكيرلي | تجربة شخصية
اذا شعرك من النوع الكيرلي او المجعد فأنت تعرفين ان نوع الشعر هذا يحتاج عناية واهتمام خاص
كلنا نتفق انه جميل ويعطي حيوية للوجه لكن متعب شوي 😅
راح اشاركك افضل منتجات ايهيرب للشعر الكيرلي اللي فادتني وايضاً طريقة استعمالها.
خطوة رقم 1 : الشامبو
لازم نعرف ان ان الشعر الكيرلي لابد يكون نضيف عشان يستفيد من المنتجات اللي نحطها عليه وخصوصا الفروة لانها دائما تراكم كريمات وزيوت. فضروري كل يومين نغسل الشعر يشامبو ومرة بالاسبوع نستعمل منقي الفروة.
افضل الشامبوهات للشعر الكيرلي من تجربتي،
شامبو جيوفاني رابط المنتج على ايهيرب وتقييمه 4.5
وشامبو دوف العادي رابط المنتج على ايهيرب وتقييمة 4.5
الشامبو جاي وسط بين الترطيب والتنظيف من تجربة شخصية ما افضل الشامبوهات اللي ترطب لاني احس انها ما تنظف بشكل ممتاز فأختار شامبو ينظف بدون ترطيب واستعمل بعده ماسك او بلسم.
بعد كذا ننتقل لخطوة رقم 2 : البلسم والماسك
ومهمين جدا لتطريب الشعر الكيرلي او الشعر المجعد،
يفضل البلسم بعد كل شامبو
والماسك مرة بالاسبوع.
بالنسبة لي البلسم عادي اختار اي نوع ( البلسم ما نحطه ع الجذور - نبعد عن الجذور ربع تقريبا ونحط البلسم.
بالنسبة لي افضل الماسكات اللي جربتها :
شيا مويستر كيرل اند شاين جدا ممتاز وتقييمه 4.7 رابط المنتج ع ايهيرب
وشيا مويستر بعسل المانوكا تقييمه 4.7 رابط المنتج على ايهيرب
وماسك جيوفاني تقييمه 4.6 رابط المنتج على ايهيرب
طبعا اغلب الماسكات نفس طريقة الاستعمال ( بعد ما تغسلين بالشامبو والبلسم - خليه ع الشعر 5-7 دقايق بعدها اغسليه )
🌸نصيحة:
بعد ما تخلصين شعرك ارفعيه وبعدها نظفي جسمك لان المنتجات هذي ممكن تسبب لك حبوب بالظهر.
الان خطوة رقم 3: الترطيب
بعد ما تخلصين من الشاور مهم جدا ترطبين شعرك وهو لسى مبلل لا تنشفينه ابداً فقط تجفيف سريع واذا حسيتي انه نشف شوي بلليه بالمويه
الترطيب تحته 3 خطوات :
أ- ليف ان
ب- الكريم
ج - الجل
بالنسبة لي دائما احط الليف ان والكريم لكن الجل فقط لو عندي مناسبة.
أ- الليف ان اللي دائما استخدمه واستخدمت كثير ورجعت له بالنسبة لي هو الافضل،
ليف ان شيا مويستر بزيت الخروع - ريحته لطيفه - لاتخافون ❤ : رابط المنتج على ايهيرب
وليف ان جيوفاني جدا رائع رابط المنتج على ايهيرب
🌸 معلومة :
كثير بنات يلخبطون بين الليف ان كونديشينر و الكونديشينر العادي ( بدون ليف ان ):
الليف ان كونديشينر - يكون قبل الكريم وما ينغسل ( قوامه اخف من الكريم )
الكونديشينر العادي بدون ليف ان - هذا يكون بعد الشامبو وينغسل ولا ينحط على الجذور.
ب- بالنسبة للكريم
كريم كيرل هابيت من جيوفاني رابط المنتج على ايهيرب
وكريم بجوز الهند والكركديه من شيا مويستر رابط المنتج على ايهيرب
ج- الجل
اكثر الايام اكتفي بالخطوتين هذي لكن اذا عندي مناسبة احط جل في اخر خطوة
هذا افضل جل جربته واهم شي ما ييبس الشعر ويعطي شعور كأنه بلاستيك
رابط المنتج على ايهيرب
طبعا في اكثر من طريقة تحطين فيها المنتجات هذي
اما باصابع يدك توزعينها وتعاملين اصابعك كأنها مشط = لو انتي مستعجلة
او بالمشط الخاص بالكيرلي - مثل هذا او هذا وافضل مشط الى الان بتحصلونه بشي ان رقمه 49804563
او انك تمسكين كل خصلة وتلفينها بشكل دائري.
بعد كذا يفضل انك تتركين الشعر ينشف من نفسه لكن لو كنتي مستعجله وتبين تجففينه مهم جدا تستعملين راس الاستشوار الخاص بالكيرلي ( ابحثي في قوقل عن Hair Dryer diffuser ) وبتحصلين الراس في شي ان
وأهم شي يكون الهواء بارد او اول درجة من الحرارة عشان ما يتقصف. وضروري تحطين قبله حامي الحرارة
انا شخصيا استعمل هذا من كانتو بزبدة الشيا - رابط المنتج على ايهيرب .
و من جيوفاني بزيت الزيتون - رابط المنتج على ايهيرب .
كذا انتهينا من روتين الشعر الكيرلي - لكن في خطوة اللي هي كيف اصففه من ثاني يوم لان طبيعي بيكون فيه نفشه مع النوم.
عندك طريقتين
اما انك تستعملين قبعة النوم - مهم تكون حرير او ساتان - بحيث تحافظ لك على الكيلز ثابته. مثل هذا رابط المنتج
او انك ترطبينه ببخاخ مويه بعدها اما انك ترجعين تحطين ليف ان بشكل سطحي جدا ومخفف بالمويه
او انك تستعملين منتج مخصص لليوم الثاني مثل هذا رابط المنتج وموجود في محل Lush اسمه سوبر ملك نفس الشي بخاخ
طبعا كل الطريقتين لابد تبخين شعرك بمويه قبل بعدين تحطين المنتج وتوزعينه بيدك.
وفي النهاية صح الشعر الكيرلي يحتاج عناية بس يستاهل النتيجة 🩷
كل المنتجات اللي شاركتكم اياها هي برابط تسويقي خاص فيني ع ايهيرب وكلها من تجربتي الشخصية لسنوات طويلة
جربي المنتج اللي يناسب نوع شعرك وشاركيني رأيك بالتعليقات - وش اكثر منتج حسيتي غيّر روتين شعرك ؟ ✨
تعليقات
إرسال تعليق